Әнші Әли Оқапов отандық бағдарламаға сұхбат берген кезінде анасы туралы фильм түсіруді қолға алғаны жайлы сөз етті.
«Үш жыл қатарынан өтпей қалып жатырмыз. Өйткені эксперттік комиссия мүшелері бар және олардың субъектив көзқарасы бойынша шешім қабылданады. Сол шешімге байланысты қолдау көрсетіледі. Жылдан-жылға шаршамай, сол «Роза» атты папкамды көтеріп, кейбір адамның көзіне күйік болсам да, жыл сайын ұсынамын. Менімен келіспейтін адам көп. Осы киноға қарсы шыққан жандар да бар. Ең қызығы, анамның сахналас әріптестері мен өнер майталмандары да бар. Олардың өз жоспары бар шығар, біз сол жоспарға сай келмейтін шығармыз деп ойлаймын. Бірақ мен жеңілмеймін, тоқтамаймын. Екі рет анамыз өліп қала жаздаған. Оны көбі білмейді. Кеңес үкіметінің ыдырауы, 90-жылдар бар, содан кейін менің дүниеге келгенім бар. Мәдидің дүниеге келгені бар, әкеміздің қайтыс болғаны бар, түрлі-түрлі бәсекелестерінің жағымсыз қадамы анық көрсетіледі. Әр көрініс анамның өмірінен алынған», – дейді өнер иесі.
ARDA-Aqparat
Әли Оқапов анасы туралы кино түсіргісі келеді
