Алматы қала әкімдігінің баспасөз қызметі жалға берілетін электросамокаттардың қозғалысын шектейтін аймақтарды атады, деп хабарлайды ARDA-AKPARAT.
Барлық жол қозғалысына қатысушылардың қауіпсіздігін және қоғамдық орындар аумағында азаматтардың жайлылығын қамтамасыз ету мақсатында Алматы қаласының әкімдігі электросамокаттардың қозғалыс алаңдарына шектеулер енгізді.
«Осылайша, «Южный» , 28 гвардияшы-панфиловшылар және Тұңғыш Президент мәдениет және демалыс саябағы аумағында самокаттардың жүруіне тыйым салынды.Сонымен қатар, Северный алаңдарының аумағында және ҚБТУ алдында, Ботаникалық бақта Арбат жаяу жүргіншілер аймағында (Жібек жолы даңғылының бойымен Назарбаев даңғылынан Абылай хан даңғылына дейін) тыйым салынды. Сонымен қатар, Панфилов көшесінің бойындағы жаяу жүргіншілер аймағында Мақатаев көшесінің бойындағы Желтоқсан мен Чайковский көшелерінің арасындағы саябақта сағатына 10 шақырымға дейін жылдамдықты шектеу енгізілді», — деді Алматы әкімдігі.
Бұл ретте аталған аумақтардың барлығында, сондай-ақ Төлебаев көшесінің бойында электрлік самокаттарды қоюға тыйым салынады.
Шектеулер электр самокаттарын жалға беру қызметтері ұсынатын компаниялардың өтінімдерінде де көрсетіледі.
«Пайдаланушылардан ережелерді сақтауды, адамдар көп жиналатын жерлерде жоғары жылдамдықпен жүрмеуді және самокаттарды дұрыс емес жерге қоймауды сұраймыз», — делінген хабарламада.