Алматыдағы Республика алаңында Тәуелсіздік монументіне салтанатты түрде гүл қою рәсімі өтті, деп хабарлайды Arda-ақпарат.
Биыл Тәуелсіздігіміздің 31 жылдығы атап өтіліп жатыр.
Алматыдағы салтанатты шараға әкімдік, мемлекеттік мекемелер қызметкерлері, қоғам, этномәдени бірлестіктердің өкілдері, қала тұрғындары, ардагерлер, 1986 жылғы Желтоқсан оқиғасының қатысушылар бар барлығы 200-ге жуық адам жиналды.
Іс-шараға қатысушылар мемлекеттің тәуелсіздігі жолында өз өмірлерін қиғандарды бір минут үнсіздікпен еске алды.
Салтанатты шараға қала әкімі Ерболат Досаев қатысты.
Салтанатты рәсім Алматы өңірлік гарнизоны әскери-үрмелі оркестрі және сарбаздарының Қазақстан Республикасы Гимн орындауымен аяқталды.
