Оралда бесінші күннен бері 14 жастағы оқушы қыз іздестіріліп жатыр, деп хабарлайды ARDA-AKPARAT.
БҚО полиция департаментінің баспасөз қызметінен түскен мәліметке қарағанда, Зарина Нығметова 10 ақпанда сағат 20:00 шамасында үйінен (Тополинская, 1) белгісіз бағытқа шығып кетіп, қайтып оралмаған.
«Қыз №34 орта мектепте оқиды. Бойы 162-165 сантиметр. Жіңішке денелі, шашы қара, беліне дейін жетеді. Үстінде ақшыл күрте, көк шалбар, қара етік болған», — делінген хабарламада.
Оның қолында 8 (747) 445 32 17 нөмірлі Samsung телефоны, қара күрте мен джинсы шалбары салынған пакеті болған.
Зарина Нығметованы көргендер немесе оның қайда екенін білетіндер 102 нөміріне хабарласуын сұрайды.