Ұлттық статистика бюросы қанша қазақстандықтың Тәуелсіздікпен байланысты есімдері бар екенін жариялады, деп хабарлайды Arda-ақпарат.
Тәуелсіздік күні қарсаңында Ұлттық статистика бюросы өзінің Telegram-каналында қызықты деректерді жариялады. Мысалы, елімізде Тәуелсіздік есімін алып жүрген қанша адам бар екенін жазды.
Статистикаға сүйенсек, Қазақстанда бір Тәуелсіздік бар. Сондай-ақ 21 – Егемен, Азат – 14 065 адам, Еркін – 3913 және Бостандық – 23 адам.