Орал қаласында бес қабатты үйден өрт шығып, 6 бала құтқарылды, деп хабарлайды ARDA-AKPARAT.
БҚО ТЖ департаментінің баспасөз қызметінен түскен мәліметке қарағанда, оқиға 31 мамыр күні сағат 10.25-те «Құрылысшы» шағынауданында болды.
«Төртінші қабатта орналасқан балконда жеке заттар, есік, терезе жақтауы отқа оранды. Өрт аумағы 20 шаршы метрді құрады. Оқиға орнынан 7 адам эвакуацияланып, 2, 3, 4 және 5-қабаттан автосаты арқылы 6 бала құтқарылды. Зардап шеккендер жоқ. «Тілсіз жау» сағат 10-45-те оқшауланып, 11.14-те сөндірілді. БҚО ТЖ департаменті өрт қауіпсіздігі ережелерін қатаң сақтау керектігін еске салады», деп хабарлады ведомстводан.
