Қазақстандық мәнерлеп сырғанаушы, 2019 жылғы әлем вице-чемпионы Элизабет Тұрсынбаева Алматы қаласы мәслихатының депутаттығына кандидат болып сайланатыны туралы айтты, — деп хабарлайды ARDA-AKPARAT.
«Менің ортам өмірімде кез келген кәсіпті жүрегіме қаншалықты жақын қабылдайтынымды және оған қандай жауапкершілікпен және сынмен қарайтынымды біледі, ол жаттығу процесі болсын, оқу болсын.
Спорттық шыңдалуымның арқасында мен күн сайын барлық жағынан жаңа биіктерге жетемін, бұл менің бойыма бала кезімнен сіңген. Кәсіби спортшының бүкіл өмірі – еңбек пен төккен тер арқылы мақсатына жету. Олар маған сенсе, мен бұл сенімді ақтауға тырысатынымды анық білемін.
Бұнымен «Аманат» партиясынан Алматы қаласы мәслихатының депутаттығына кандидат болып сайланғаным туралы айтайын деп едім.
Иә, бұл үміткерлік қана, бірақ мен болашақта жақсы жаққа өзгерістер енгізе алатын өкіл-тұлға болу мүмкіндігі үшін үлкен жауапкершілік пен құрмет сезінемін. Бұл бастамасы ғана. Сырттан қарап, жүйеге шағымданып отыру оңай, әрекет ету әлдеқайда қиын, сондықтан мен үшін бұл оңай қадам емес. Сіздердің қолдауларыңыз бен бірлескен күш-жігерлеріңізбен бәрі ойдағыдай болады!», — деп жазды спортшы дүйсенбіде Instagram-парақшасында.
Элизабет Тұрсынбаева 22 жаста. Ол Әлем чемпионатының (2019) және Қысқы Универсиаданың (2019) күміс жүлдегері, Қазақстанның төрт дүркін чемпионы, Азия ойындарының қола жүлдегері (2017). Ол ересектер арасында жалғыз сырғанаудан төрт рет таза секіруді орындаған алғашқы жалғыз әйел болды.