Полиция қызметін цифрландыру және қағазбастылықтан арылту жұмысы аясында өткен жылдың желтоқсан айынан бастап Ақмола облысы Қосшы қаласының полиция бөлімінің базасында “Полиция тергеуі” пилоттық жобасы іске қосылды, деп хабарлайды ARDA-AKPARAT.
Polisia.kz хабарлауынша, биылғы жылдың 20 ақпанынан бастап дәл бұл жоба елорданың “Сарыарқа” ауданының ПБ-да жүзеге асырылып жатыр.
Айта кету керек, бұл ұсақ және ауырлығы орташа теріс қылықтар бойынша айқын қылмыстық құқық бұзушылықтарды тергеудің жаңа стандарты, мұнда бірыңғай есеп үшін барлық тергеу әрекеттеріне бейнетіркеу жүргізіледі.
Ол азаматтар үшін тергеудің жеделдігін қамтамасыз етеді, азаматтардың құқықтарын теріс пайдалану мен бұзу тәуекелдерін азайтады, дәлелдемелерді бұрмалаудан қорғайды, тергеудің объективтілігі мен сапасын арттырады.
Қызметкерлердің өздері үшін бұл формат ыңғайлы, өйткені ол тергеу әрекеттері хаттамасын жүргізбей, уақыт үнемдейді. Аталған бастаманың негізі 17 наурызда Мемлекет басшысымен қол қойылған “Қазақстан Республикасының кейбір заңнамалық актілеріне қылмыстық сот ісін жүргізу саласындағы адам құқықтары, жазаны орындау, сондай-ақ азаптау мен басқа да қатыгез, адамгершілікке жатпайтын немесе қадір-қасиетті қорлайтын қарым-қатынас түрлерінің алдын алу мәселелері бойынша өзгерістер мен толықтырулар енгізу туралы” заң шеңберінде тергеушінің қалауы бойынша қысқаша хаттама жасауды көздейтін заңнамалық түзету арқылы іске асырылды.
Хаттамада техникалық құралдарды қолдану, жүргізілген уақыты, сондай-ақ деректердің қысқаша мазмұны туралы ақпаратты көрсету жеткілікті. Бұл полицияның тергеуін енгізе отырып, бейне форматқа көшуге мүмкіндік береді, сонда қылмыс орнына бірінші келген әрбір қызметкерге есеп жүргізуге мүмкіндік туады.
ІІМ қысқаша хаттаманы енгізу тергеу әрекетін жүргізу уақытын 5 есеге қысқартуға мүмкіндік беретінін атап өтті. Бейнежазба қылмыстық іске қоса тіркеледі және техникалық мүмкіндік болған жағдайда цифрлық тасымалдағыштарда сақталады немесе сотқа дейінгі тергеудің бірыңғай тізіліміне жүктеледі.
Айта кету керек, қысқаша хаттаманы енгізу ІІМ бастамасы болып табылады. Бұл бірегей норма, яғни істің мән-жайына, техникалық мүмкіндіктерге байланысты қысқаша хаттама немесе қарапайым хаттама жасау туралы шешім қабылданады. Өзгерістер 20 мамырдан бастап күшіне енеді.