️Шахматшы Бибісара Асаубаева «Қазақстан Республикасының Еңбек сіңірген спорт шебері» атағын алды, — деп хабарлайды ARDA-AKPARAT.
Бұл туралы ол Instagram Stories-інде бөлісті. Ақпаратты Мәдениет және спорт министрлігінің баспасөз қызметі өкілі растады.
«Мені құттықтап қойсаңыздар болады. Алдарыңызда еліміздегі жалғыз «Қазақстан Республикасының Еңбек сіңірген спорт шебері», — деп жазған ол.
Айта кетейік, Бибісара Асаубаева — қазақстандық шахматшы. Ол — әйелдер арасындағы гроссмейстер, ер адамдар арасында халықаралық шебері, блиц бойынша әлем чемпионы, рапид бойынша әлем чемпионатының күміс жүлдегері.