Ильназ Галявиев Қазан мектебінде 9 адамның өмірін қиғаны үшін өмір бойы бас бостандығынан айырылу жазасына кесілді, деп хабарлайды ARDA-AKPARAT.
РИА Новостидің деректеріне сүйенсек, Татарстан Жоғарғы соты Ильназ Галявиевті Қазандағы №175 гимназияда 9 адамның өліміне кінәлі деп танып, өмір бойы бас бостандығынан айыру жазасын берді.
Тергеушілердің айтуынша, Галявиев деструктивті субмәдениеттің бейресми өкілдерінің әрекеттеріне еліктеуге тырысқанын, ғаламтордан олар туралы ақпарат іздеп, шабуыл барысында олардың әрекеттерін қайталағанын.
Бұдан бөлек сотта Галявиевтің ақыл-есі дұрыс екені де расталды. Тергеу барысында ол кінәсін толығымен мойындап, жасаған ісіне өкінетінін айтты.
Еске салсақ, 2021 жылдың 11 мамырында Ильназ Галявиев Татарстан астанасындағы мектептердің біріне шабуыл жасады. Ол мектеп ғимаратында жаппай оқ жаудырды, онымен қоса қолдан жасалған жарылғыш затты да ала барған. Салдарынан 9 ажал құшты. Қылмыскерді ФҚҚ қызметкерлері ұстап алды.